MASUBRA 12 MIL AN NAG-EVACUATE SA NORTHERN SAMAR TUNGOD SA BAGYO BISING
MASUBRA 12 MIL AN NAG-EVACUATE SA NORTHERN SAMAR TUNGOD SA BAGYO BISING
IIEME/RMA/4-19-21/Catarman N. Samar
An Bagyo Bising nga nagdara sin makusog nga pag-uran sa probinsya ngan pabugso-bugso nga hangin tikang pa san gab-i san Abril 17, 2021, diin 12,118 katawo sa probinsya an nahireport nga nag-evacuate ngadto sa safety nga lugar. An mga bungto sa may Pasipiko - Lapinig an may pinakadamo nga ihap san evacuees nga 4,214.
Sa report san Provincial Disaster Risk Reduction and Management Office, si Bising nagdara sin mga pagbaha sa iba nga lugar san probinsya pareho san Catubig ngan Las Navas, ngan 3 nga purok sa bungto san Gamay. San aga san Abril 19, 2021, dire maagian an parte san sigad sa Rawis pakadto sa Catubig ngan an sigad sa Catubig pa-Las Navas.
Kon manunumdduman, ginmando san PDRRMC pinaagi kan Gobernador Edwin Ongchuan an mandatory evacuation san mga residente sa mga lugar nga peligroso san baha ngan balud san Sabado san nagtikang pagkusog an oran ngan hangin nga dara san bagyo Bising. Ginpailarom san PAG-ASA an Norte san Samar sa Tropical Cyclone Warning Signal No. 2 san Bagyo Bising tikang pa san Sabado nga kulop, Abril 17.
Sa yana, padayon an monitoring san Provincial Disaster Risk Reduction and Management Council san kamutangan san panahon ngan san danyos sini nga bagyo sa
Comments
Post a Comment