NORTHERN SAMAR PROVINCIAL HEALTH OFFICER DR. KAM GIN AGHAT AN NORTEHANON MAGPABAKUNA

NORTHERN SAMAR PROVINCIAL HEALTH OFFICER DR.  KAM GIN AGHAT AN NORTEHANON  MAGPABAKUNA

IIEME/RMA/4-13-21/Catarman N. SAMAR

Nagpahimatnon si Northern Samar Provincial Health Officer Dra. Nimfa Kam sa nortehanon ig  sa mga molopyo san barangay nga karawton an COVID-19 vaccine agud matagamtaman san  probensya an gin susugad  nga herd immunity.

Dida san gin dumara nga press briefing sa naglabay  nga Huwebis April 8, 2021 didto sa NSPH New Building sa Catarman,  igin esplikar  sini an importansya san bakuna sa  kada tagsa diin sa yana gin kakarawat na an ika duha nga dose san mga health workers san probensya.

Upod sini an pagpatapod san mga available nga bakuna nga effective ngan safety gamiton. Sumala sini nga diri mahadok kay dire nakakamatay  an bakuna lugod an makamatay an COVID19 kun dire ka magpa-bakuna tungod nga wara sa lawas magpoprotekta.

Gin sagda sini an nortehanon  nga diri mag-ruhaduha kay mas maupay an  mayda  panlaban san COVID-19.

Igin sumat pa  sini ni Dr. Kam san siya bakunahan sa pagkonsidiera nga senior citizen na nga labot la san suol san kanya braso nga gin turokan san bakuna san pera kaadlaw waray na daw siya inabat nga iba pa.

Ngan basar naman  sa kanya mga nakakarawat nga impromason may nga nortehanon nga  nadiri ngan nag-ruhaduha magpabakuna labot  pasa kahadok sa dagom ngan may lat  nadiri daw magpabakuna  kay tingali siya magin zombie.

Tungod sini gin tagan sin punto ni Dr. Kam an paghatah tuang na edukasyon ngan paghatag sin tama nga inpormasyon kalabutan sa importansya ngan binipisyo san bakuna kontra covid19 an importante yana sa nortehanon.