PROVINCIAL VETERINARIAN DR. ACOMPAÑADO GIN KLARO AN ISYU NGA NAGWAWARAK YANA SAN PROBENSYA SA NORTHERN SAMAR KABAHIN SA ASF
PROVINCIAL VETERINARIAN DR. ACOMPAÑADO GIN KLARO AN ISYU NGA NAGWAWARAK YANA SAN PROBENSYA SA NORTHERN SAMAR KABAHIN SA ASF
IIEME/RMA/4-13-21/Catarman N. SAMAR
Gin tagan isplikasyon ni Dr. Jose Acompniado an kamatuoran san iristorya nga naglalarab yana nga an gobyerno probinsyal daw, an mga pulis, an army ngan iba pa nga otoridad nangunguha sin baktin san mga parag-uma ngan backyard raisers.
Sumala kan Dr. Acompaniado nga WARAY INI KAMATUORAN tungod nga an Gobyerno Probinsyal san Norte san Samar sugad man an mga pulis, army ngan iba pa otoridad ini waray iguin-palusad nga palisiya mahiunong san panguha baktin san mga parag-uma ngan backyard raisers sa bug-os nga probinsya.
Gin klaro liwat san nasabi nga opisyal nga sa yana April 12, 2021, an mga Barangay Bonifacio ngan Poblacion (Purok 8, 9, 10,11) san Lope de Vega la an mayda reported cases san ASF.
An Catarman, sugad man an iba nga bungto san probinsya ini padayon nga nagpapabilin nga ASF-free. Salit dire kita angay mabaraka ngan magbaligya sin ura-urada kun may ada kita baktin nga gin-aataman.
Sini an Department of Agriculture in may ada programa san pag-kuha ngan pagpatay san mga baktin nga gin tatahapan nga may ASF o api san Surveillance/Containment Area.
Mayda liwat an probensya programa nga panbayad sin singko mil pesos (P5,000) sa kada baktin san parag-uma nga kukuhaan san kanra alaga kuna ada ini san containment area.
Comments
Post a Comment