PFIZER COVID19 VACCINATION GIN BUHAT SA BUNGTO SAN CATARMAN BILANG PILOT AREA SINI NGA BAKUNA PARA SA NORTHERN SAMAR

PFIZER COVID19 VACCINATION  GIN BUHAT SA BUNGTO SAN  CATARMAN BILANG PILOT AREA SINI NGA BAKUNA PARA SA NORTHERN SAMAR

IIEME/RMA/9-14-21/Catarman N. Samar

Sito  Septyembre 11, 2021 nagin manilampuson  an vaccination roll out para sa Pfizer COVID-19 vaccine  sa bungto san Catarman. Ini an primiro  nga tyempo san pagbakuna sa Pfizer  sa probinsya komo an  Catarman an pilot area sini nga klase san vaccine.

1,170 doses san Pfizer COVID19 Vaccine an  alokasyon para sa Catarman diin target  nga bakunahan an A1 abot A5 group category. Ini diri sugad san dati nga pa dabakun tungod nga  sa Catarman Freedom Park an assessment ngan an  pagbakuna didto  sa Northern Samar Provincial Hospital. Ini  tungod nga presente naka-isolate an 3 nga doktor san Catarman Rural Health Unit ngan may mga sintomas san Covid19.

Subay sa ginbuhat nga simulation and briefing activity nga gin-atindiran ni Mayor Francisco Rosales  sa Catarman Freedom Park matikang an proseso sa pagbakuna ngan katapos sini sa assessment susunduon san sarakyan an mga magpapabakuna para idul-ong  ngadto sa NSPH Vaccination Area. Sa pagtagad nga medyo maselan an Pfizer Vaccine tungod nga may ginmamantinar ini nga hamubo nga temperatura nga 2°C - 8°C para magpabilin nga epektibo.

Agud  magin organisado an aktibidad tikang  sa First steps sa Freedom Park covered court ngadto sa vaccination area nagbuburublig an Catarman Team san Municipal Health Office, MDRRMO, MPOSO, an MENRO, Catarman Police Station, pati na an sa Municipal Civil Security Office para masiguro nga diri masamok an vaccination activity san Pfizer COVID-19 Vaccine.