BABAYE GIN PUSIL SA ULO -PATAY DIDTO SA IMELDA CATARMAN

October 6, 2021/Catarman N. Samar

Sayo nga babaye an dugoon nga nahuyang sa ligid sa sigad ngan patay na  an  naimod  sito nga October 05, 2021 banda alas 2 san kulop sa didto  Brgy. Imelda, Catarman Northern Samar.

Tungod sini dayon naman nagresponde an mga opesyal san barangay sa pangunguna ni Punong Barangay  Eduardo Feisto kaupod an mga tanod ngandayon naman liwat nga umabot an Catarman PNP personnel  sa pangunguna ni PSSgt Ronaldo Dente.

Sa pag- iimbestigar san pulisya naimod an sayo na bag nga may sulod nga mga idintification cards na pagkakilan-an san biktima, may kwarta  maabot sin 500 pesos, headset,  CP charger pero waray CP nga naimod, may mga reseta ngan listahan sa kanya mga paraliton.

Dayon nga umabot naman an Catarman MHO Dra. Myrna Trongcoso para sa MedicoLegal Assesstment agud mabaruan an kawsa sa igin kamatay.

Dida nabaruan nga may tama sa bala sa agtang nga lumagbas sa luyo san ulo an naimod ngan rason sa dayon nga pagmaray san biktimai. An biktima nakilala subay san mga IDs  nga nakuha  tikang sa nasabi nga bag ini si LINA  A. CUBALAN taga Brgy. Somoroy Lope De Vega N. Samar.

Sa yana padayon an gin himo nga imbistigasyon san mga otoridad san nasabi nga nahitabo nga pagpatay para mabaruan an kunsin-o naghimo ngan kuna nanu an  motibo san krimin.