NORTHERN SAMAR PROVINCIAL BOARD OF CANVASSERS IGIN BUHAT NA AN PROKLAMASYON SAN MGA NA ELEHER NA MGA OPESYAL SAN PROBENSYA

CATARMAN NORTHERN SAMAR///MAY 11, 2022-Pira ka adlaw mahuman an election sini nga  May 9, 2022, si  incumbent Gov Edwin Ongchuan igin  proklamar bilang  duly elected governor san Northern Samar sini nga Mayo 11, 2022 san kulop.  San 226,400 na botos, si Gov Ongchuan an  NUP provincial chair, diin  landslide victory ini san  gubernatorial position para sa pag-serbe sini sa  probensya sa kanya il

kaduha nga termeno.

 

Sugad man kaupod ni  Gov Ongchuan, diin  an  PBOC igin  proklamar sini liwat an  NUP 2nd District Congressional Candidate, Harris Christopher Ongchuan  nga presente na  mayor san  Laoang.

An Vice Gubernatorial candidate  nga  mao an San Jose Mayor Atty. Clarence Dato  nga NUP member nakakuha sin pinakaharaas nga botos  sa kanya mga igksi kandidato  nga igin proklamar ini bilang duly  elected vice governor san Northern Samar .

Sini igin proklamar liwat an  Members of the Sangguniang Panlalawigan 2nd District: Don Abalon - San Roque, Dexter Galit - Catubig, Albert Lucero - Gamay, Marites Gillamac - Silvino Lubos  ngan Leonida Laodenio - Mapanas.

Samtang kahapon an Provincial Board of Canvassers opisyal na gin  proklamar sa kulop  sini nga  Mayo 10, 2022  an winning candidates  sini nga  May 9, 2022 Local  & National  Election para sa  congressman ngan  board members  san primero distrito san  Northern Samar.

Makahuman an ngatanan  na botos maihap  tikang sa  14  nga bungto  sa Northern Samar nga sakop san 1st District  an nai- transmitt ngadto  sa Provincial Board Of Canvassers an re-electionist Congressman Paul Daza  igin  proklamar nga nagdaog  na may botos  nga  107,510 .

Sugad man an Northern Samar  PBOC igin  proclaim an  duly elected members  san  Sangguniang Panlalawigan para sa  primero Distrito san Northern Samar  diin si  Emmanuel “Tantan” Uy-Catarman  mao  an nanguna san may pinaka damo nga botos  o mao an top notcher, Victorio “Vicvic” Songzon III- Catarman,  Gilbert “Jing” Layon- Catarman , Quintin “Tingting” Saludaga- Lavezares  ngan  Liza Esidera-San Jose diin  ini puros  mga member san  NUP.

II EUGENE MONTANO ENANO